കേരള ചരിത്രം- തിരുവിതാംകൂർ രാജവംശം Kerala history-Travancore ,Thiruvithamkoor

കേരള ചരിത്രം തിരുവിതാംകൂർ രാജവംശം

1. കൊല്ലo ആസ്ഥാനമായുള്ള വേണാടിന്റെ ഭാഗമായിരുന്ന തൃപ്പാപ്പുർ സ്വരൂപം പിന്നീട് ഏതു പേരിലാണ് പ്രശസ്തമായത് ?തിരുവിതാംകൂർ
2. വേണാട് ഭരിച്ചിരുന്ന ആദ്യത്തെ രാജാക്കന്മാർ ?ആയ് രാജാക്കന്മാർ (ആയ് വേലുകൾ) 3.തിരുവിതാംകൂർ ആദ്യ കാലത്ത് അറിയപ്പെട്ടിരുന്ന പേരുകൾ ?ശ്രീവാഴുംകോട്, തിരുവാഴുംകോട്, തിരുവാങ്കോട്, തിരുവിതാംകോട്.
3. തിരുവിതാംകോടിൻറെ തലസ്ഥാനം ?കൽക്കുളo (പത്മനാഭപുരം)
4. തമിഴ്‌നാട്ടിലെ കന്യാകുമാരി ജില്ലയിൽ സ്ഥിതിചെയ്യുന്ന തിരുവിതാംകൂർ കൊട്ടാര സമുച്ചയo ?പത്മനാഭപുരം കൊട്ടാരം. (തിരുവിതാംകൂർ ഭരിച്ച ഇരവിപിള്ള ഇരവിവർമ്മ കുലശേഖര പെരുമാളാണ് നിർമിച്ചത്
5. ആധുനിക തിരുവിതാംകൂറിന്റെ ശില്പ്പി എന്ന നിലയിൽ പ്രശസ്തി ആർജിച്ച ഭരണാധികാരി? ശ്രീ അനിഴം തിരുനാൾ വീരബാല മാർത്താണ്ഡവർമ്മൻ എന്ന മാർത്താണ്ഡവർമ്മ )(1706 -1758 )
6. തിരുവിതാംകൂർ രാജ ഭരണത്തിന് സഹായം ചെയ്തു വന്ന വേണാട്ടിലെ പ്രമുഖമായ എട്ടു നായർ തറവാടുകളിലെ കാരണവന്മാർ അറിയപ്പെട്ടിരുന്ന പേര് ?എട്ടുവീട്ടിൽ പിള്ളമാർ  
7. ഗൂഢാലോചന കുറ്റം ചുമത്തി എട്ടുവീട്ടിൽ പിള്ളമാരെ വധിക്കാൻ ഉത്തരവിട്ട തിരുവിതാംകൂർ രാജാവ് ?മാർത്താണ്ഡവർമ്മ
8. ശ്രീ പദ്മനാഭസ്വാമി ക്ഷേത്രത്തിന്റെ പുരാതന ഭരണസമിതിയാണ് ?എട്ടരയോഗം
9. ഡച്ച്‌ ഈസ്റ്റ്‌ ഇന്ത്യാ കമ്പനിയെ ഏതു യുദ്ധത്തിലാണ് മാർത്താണ്ഡവർമ്മ പരാജയപ്പെടുത്തിയത് ?കുളച്ചൽ യുദ്ധം(1741 ഓഗസ്റ്റ് 10)
10. ഏഷ്യയിലെ തന്നെ വിദേശശക്തിക്കെതിരെയുള്ള ആദ്യ ജയമായിരുന്നു ?കുളച്ചൽ യുദ്ധം
11. അന്നത്തെ ഡച്ച്‌ അഡ്മിറൽ ?ഡെ ലെന്നൊയി
12. ഡച്ച് ഈസ്റ്റ് ഇന്ത്യ കമ്പനിയുടെ നാവികസേന കമാന്ററും, പിന്നീട് തിരുവിതാംകൂറിന്റെ സൈന്യാധിപനും ആയി മാറിയ വ്യക്തി ? ഡെ ലെന്നൊയി
13. മാർത്താണ്ഡവർമ്മ തന്റെ രാജ്യം കുലദൈവമായ ശ്രീ പത്മനാഭസ്വാമിക്ക്‌ സമർപ്പിച്ച ചരിത്രസംഭവം ?തൃപ്പടി ദാനം (1750 ജനുവരി 3 )
14. രണ്ടാമത്തെ തൃപ്പടിദാനം നടന്നത് ഏതു രാജാവിന്റെ കാലത്ത് ? മാർത്താണ്ഡവർമക്കുശേഷം തിരുവിതാംകൂർ ഭരിച്ച കാർത്തിക തിരുനാൾ (ധർമ്മരാജ )
15. മാർത്താണ്ഡവർമയുടെ കാലത്ത് ഗ്രാമങ്ങളുടെ അധികാരി അറിയപ്പെട്ടിരുന്ന പേര് ?പാർവ്വതികാർ ( പ്രവർത്തികാർ/പാർവത്യകാർ) 
16. പലഗ്രാമങ്ങൾ കൂടിച്ചേരുന്നതായിരുന്നു ?മണ്ഡപം. 
17. മണ്ഡപത്തിന്റെ അധികാരി ? മണ്ഡപത്തുംവാതുക്കൽ 
18. മാർത്താണ്ഡവർമ്മ മഹാരാജാവിന്റെ ഏറ്റവും വിശ്വസ്‌തനായ മന്ത്രി (ദളവ) ആയിരുന്നു?രാമയ്യൻ
19. എം.സി. റോഡ് അഥവാ മെയിൻ സെൻട്രൽ റോഡ് നിർമ്മിച്ചത് ഏതു ഭരണാധികാരിയുടെ കാലത്താണ് ? മാർത്താണ്ഡവർമ്മ
20. മാർത്താണ്ഡവർമ്മയുടെ കാലത്ത് സർക്കാർ ജോലിയിലും സൈന്യത്തിലും നല്ല സേവനം കാഴ്ചവെക്കുന്നവർക്കായി ഏർപ്പെടുത്തിയ ഒരു ബഹുമതിയാണ്‌ ?'ചെമ്പകരാമൻ' പട്ടം
21. മാർത്താണ്ഡവർമ്മയ്ക്കു ശേഷം തിരിവിതാംകൂർ ഭരിച്ച രാജാവ് ?അനന്തരവനായ കാർത്തികതിരുനാൾ രാമവർമ്മ  
22. ധർമ്മരാജ എന്നറിയപ്പെട്ടിരുന്ന രാജാവ് ?കാർത്തികതിരുനാൾ രാമവർമ്മ  
23. 1795 ൽ തിരുവിതാംകൂറിന്റെ തലസ്ഥാനം പത്മനാഭപുരത്തു നിന്നും തിരുവനന്തപുരത്തേക്കു മാറ്റിയ ഭരണാധികാരി ? കാർത്തിക തിരുനാൾ രാമ വർമ്മ (ധർമ്മരാജ.) 
24. ഏറ്റവുമധികം കാലം (1758 മുതൽ 1798 വരെ) തിരുവിതാംകൂർ ഭരിച്ച ഭരണാധികാരി?കാർത്തികതിരുനാൾ രാമവർമ്മ (ധർമ്മരാജ.)
25. തിരിവിതാംകൂറിലെ രാജാക്കന്മാരായിരുന്ന കാർത്തിക തിരുനാൾ രാമ വർമ്മയുടെയും, അവിട്ടം തിരുനാൾ ബാലരാമ വർമ്മയുടേയും ഭരണകാലത്ത് ദിവാനായിരുന്ന വ്യക്തി ?രാജാ കേശവദാസ് (1745-1799). 
26. രാജാകേശവദാസനെ കേന്ദ്രകഥാപാത്രമാക്കി സി.വി. രാമൻപിള്ള എഴുതിയ രണ്ടു ചരിത്രാഖ്യായികകൾ ?ധർമ്മരാജാ,രാമരാജാബഹദൂർ
27. ജനങ്ങൾ ആദരപൂർവ്വം രാജാകേശവദാസനെ വിളിച്ചിരുന്ന പേര് ?വലിയദിവാൻജി 
28. ഏതു ബ്രിട്ടീഷ് ഗവർണ്ണറാണ് കേശവദാസിന് "രാജാ" എന്ന പദവി നൽകി ആദരിച്ചത് ?മോർണിങ്ങ്‌ടൺ. 
29. 1789-ലെ ടിപ്പു സുൽത്താന്റെ പടയോട്ടത്തെ നെടുംകോട്ടയ്ക്കടുത്തു വച്ച് തിരുവിതാംകൂർ സൈന്യം എതിരിട്ട് തോല്പ്പിച്ചത് ആരുടെ നേതൃത്യത്തിലായിരുന്നു ?കേശവദാസന്റെ
30. 1809 ജനുവരി 14 നു കുണ്ടറ വിളംബരം നടത്തിയ തിരുവിതാംകൂർ ദളവ ആയിരുന്ന വ്യക്തി ?വേലായുധൻ ചെമ്പകരാമൻ തമ്പി  (വേലുത്തമ്പി )
31. ആരുടെ ഭരണകാലത്താണ് വേലുത്തമ്പി തിരുവിതാംകൂറിന്റെ ദളവ ആയിരുന്നത് ?അവിട്ടം തിരുനാൾ ബാലരാമവർമ്മ
32. എവിടെ വെച്ചാണ് വേലുത്തമ്പി ദളവ ആത്മഹത്യ ചെയ്തത് ?മണ്ണടി, അടൂർ
33. 1810 മുതൽ 1815 വരെ തിരുവിതാംകൂർ രാജ്യം ഭരിച്ച മഹാറാണി? മഹാറാണി ആയില്യം തിരുനാൾ ഗൗരി ലക്ഷ്മിഭായി 
34. തിരുവിതാംകൂറിൽ നേരിട്ട് രാജ്യം ഭരിച്ച ഒരേ ഒരു മഹാറാണി?മഹാറാണി ആയില്യം തിരുനാൾ ഗൗരി ലക്ഷ്മിഭായി (1810-1813 കാലയളവിൽ മഹാറാണിയായി നേരിട്ടും, 1813-1815 ൽ തന്റെ മരണം വരെ പുത്രൻ സ്വാതിതിരുനാളിനുവേണ്ടി റീജന്റായും)
35. ‘ഗർഭശ്രീമാൻ’ എന്ന് വിശേഷിപ്പിക്കപ്പെട്ട പത്തൊമ്പതാം നൂറ്റാണ്ടിൽ (1829-1846) തിരുവിതാംകൂർ ഭരിച്ചിരുന്ന രാജാവ്? സ്വാതി തിരുനാൾ രാമവർമ്മ. 
36. സ്വാതിതിരുനാൾ രാമവർമ്മയുടെ പിതാവ് ? രാജാ രാജവർമ്മ വലിയ കോയിത്തമ്പുരാൻ
37. തിരുവനന്തപുരത്തെ വാനനിരീക്ഷണ കേന്ദ്രം, തിരുവനനതപുരം യൂണിവെർസിറ്റി കോളേജ്, ആദ്യ സർക്കാർ അംഗീക്രിത അച്ചടിശാല, കോടതി, തിരുവിതാംകൂർ കോഡ് ഓഫ് റെഗുലെഷൻസ്, ആദ്യ കാനേഷുമാരി കണക്കെടുപ്പ് തുടങ്ങിയവ ആരുടെ ഭരണപരിഷ്കാരങ്ങളാണ്?സ്വാതി തിരുനാൾ രാമവർമ്മ
38. കേരള സംഗീതത്തിന്റെ ചക്രവർത്തി എന്നു അറിയപ്പെടുന്ന തിരുവിതാംകൂർ മഹാരാജാവ് ?സ്വാതി തിരുനാൾ രാമവർമ്മ
39. തിരുവനന്തപുരത്ത് പത്മസ്വാമി ക്ഷേത്രത്തിന്റെ സമീപത്തായി സ്വാതിതിരുനാൾ രാമവർമ്മ പണി തീർത്ത കൊട്ടാരo ?കുതിര മാളിക ( പുത്തൻ മാളിക കൊട്ടാരം).
40. 1848 ഏപ്രിൽ 29ന്‌ കിളിമാനൂർ കൊട്ടാരത്തിൽ ജനിച്ച പ്രശസ്ത ചിത്രകാരൻ ?രാജാ രവിവർമ്മ
41. സ്വാതിതിരുനാളിന്റെ വിദ്വൽസ്സദസ്സിലെ പ്രശസ്ത കവികൾ ആരെല്ലാമായിരുന്നു ?ഇരയിമ്മൻ‌തമ്പി, കിളിമാനൂർ രാജ രാജ വർമ്മ കോയിത്തമ്പുരാൻ
42. സ്വാതിതിരുനാളിന്റെ സദസ്സിലെ മഹാനായ ഒരു കർണ്ണാടകസംഗീതജ്ഞനായിരുന്നു? ഷഡ്കാലഗോവിന്ദമാരാർ
43. ആട്ടക്കഥകളായ കീചക വധവും ഉത്തരാ സ്വയംവരവും രചിച്ചതാരാണ്?ഇരയിമ്മൻ‌തമ്പി
44. മലയാളത്തിലെ പ്രസിദ്ധമായ താരാട്ടുപാട്ടായ ഓമനത്തിങ്കൾ കിടാവോ... എന്നു തുടങ്ങുന്ന ഗാനം രചിച്ചത് ? ഇരയിമ്മൻ തമ്പി
45. കരീന്ദ്രൻ, ചെറുന്നി ,ദ്രുതകവിമണി, കരിമണി എന്നീ പേരുകളിൽ അറിയപ്പെട്ട സ്വാതി തിരുനാൾ രാമവർമ്മയുടെ സദസ്സിലെ ഒരു സംസ്കൃതകവിയായിരുന്നു ?കിളിമാനൂർ രാജ രാജ വർമ്മ കോയിത്തമ്പുരാൻ
46. ആട്ടക്കഥയായ രാവണ വിജയവും ,സീതങ്കൻ തുള്ളലായ സന്താന ഗോപാലവും രചിച്ചത് ?കിളിമാനൂർ രാജ രാജ വർമ്മ കോയിത്തമ്പുരാൻ
47. 1888-ൽ പ്രജാസഭ സ്ഥാപിച്ച തിരുവിതാംകൂർ മഹാരാജാവ് ? ശ്രീമൂലം തിരുനാൾ മഹാരാജാവ്. 
48. ശ്രീമൂലം തിരുനാൾ മഹാരാജാവിന്റെ കാലത്ത് തിരുവിതാം‌കൂറിൽ ഉയർന്ന ഔദ്യോഗിക സ്ഥാനങ്ങളിൽ മലയാളികൾക്ക് പ്രാധാന്യം വേണമെന്നും, ഉദ്യോഗങ്ങളിൽ നാട്ടുകാർക്ക് ജാതി-മത പരിഗണനയില്ലാതെ മുൻഗണന നൽകുകയും ,നിയമനങ്ങളിൽ ആനുപാതിക പ്രാധിനിത്യം വേണമെന്നും ആവശ്യവുമായി 1891 ജനുവരിമാസം അന്നത്തെ മഹാരാജാവിന്‌ നൽകിയ നിവേദനമാണ്‌? മലയാളി മെമ്മോറിയൽ 
49. ഈഴവർക്ക് നേരെയുള്ള അവഗണന അവസാനിപ്പിക്കണമെന്ന് ആവശ്യപ്പെട്ടുകൊണ്ട് 13,176 ഈഴവർ ഒപ്പിട്ട് 1896 സെപ്റ്റംബർ 3ന് തിരുവിതാംകൂർ മഹാരാജാ‍വ് ശ്രീമൂലം തിരുനാളിനു് ഡോ. പല്പുവിന്റെ നേതൃത്വത്തിൽ സമർപ്പിച്ച മഹാനിവേദനമാണു് ?ഈഴവമെമ്മോറിയൽ  ഹർജി
50. തിരുവിതാംകൂറിലെ അവസാന രാജപ്രതിനിധി (റീജെന്റ് 1924 -1931)ആയിരുന്ന മഹാറാണി ? പൂരാടം തിരുനാൾ സേതു ലക്ഷ്മിഭായി വരെയായിരുന്നു ഇവരുടെ ഭരണകാലഘട്ടം(ശ്രീ ചിത്തിര തിരുനാൾ ബാലരാമവർമ്മയ്ക്ക് വേണ്ടി )
51. തിരുവിതാംകുറിന്റെ അവസാനത്തെയും , അമ്പതിനാലാമത്തെയും ഭരണാധികാരി? ശ്രീ ചിത്തിര തിരുനാൾ ബാലരാമവർമ്മ (നവംബർ 7, 1912 – ജൂലൈ 19, 1991) 
52. തിരുവിതാംകൂരിനെ ഇന്ത്യൻ യൂനിയനിൽ ലയിപ്പിച്ചത് ഏതു വർഷമാണ് ? 1949
53. 1949 മുതൽ 1956 വരെ തിരു-കൊച്ചി സംസ്ഥാനത്തിന്റെ രാജപ്രമുഖനായി സേവനം അനുഷ്ടിച്ച തിരുവിതാകൂർ മഹാരാജാവ് ? ശ്രീ ചിത്തിര തിരുനാൾ
54. സ്വാതന്ത്രലബ്ദിക്ക് ശേഷം തിരുവിതാംകൂരിന്റെ ടൈറ്റുലാർ മഹാരാജാവായി അറിയപ്പെട്ട രാജാവ് ? ശ്രീ ചിത്തിര തിരുനാൾ
55. കവടിയാർ കൊട്ടാരം 1931 ൽ പണികഴിപ്പിച്ച രാജാവ് ? ചിത്തിര തിരുനാൾ ബാലരാമവർമ്മ 
56. തിരുവിതാംകൂർ വ്യവസായ-വൽകരണത്തിന്റെ പിതാവ് എന്നറിയപെടുന്ന രാജാവ് ?ശ്രീ ചിത്തിര തിരുനാൾ
57. തിരുവിതാംകൂർ സർവ്വകലാശാല (ഇപ്പോഴത്തെ കേരള സർവ്വകലാശാല) സ്ഥാപിച്ച രാജാവ് ? ശ്രീ ചിത്തിര തിരുനാൾ
58. ക്ഷേത്രപ്രവേശന വിളംബരം (1936 നവംബർ 12)നടത്തിയ രാജാവ് ?ശ്രീ ചിത്തിര തിരുനാൾ
59. ചിത്തിരതിരുനാൾ മഹാരാജാവിന്റെ കാലത്തുള്ള ദിവാൻ ? സർ സി.പി. രാമസ്വാമി അയ്യർ 
60. 1946 ഒക്ടോബർ 24-ൽ ജന്മിമാർക്ക് എതിരേ കുടിയാന്മാരായ കർഷകരും കർഷകത്തൊഴിലാളികളും കമ്യൂണിസ്റ്റ് പാർട്ടിയുടെ നേതൃത്വത്തിൽ നടത്തിയ സമരo ?പുന്നപ്ര-വയലാർ സമരം
61. തിരുവിതാംകൂർ മഹാരാജാവ് രാജപ്രമുഖ് ആയി തിരു-കൊച്ചി സംസ്ഥാനം രൂപീകൃതമായ വർഷം ?1949 ജുലൈ 1
62. തിരുകൊച്ചി സംസ്ഥാനത്തെ പഴയ മദ്രാസ് സംസ്ഥാനത്തിലെ മലബാർ ജില്ലയുമായി ചേർത്ത് രാജപ്രമുഖിനു പകരം ഇന്ത്യൻ പ്രസിഡൻറ് നിയമിച്ച ഗവർണറുടെ ഭരണത്തിൻ കീഴിൽ കേരള സംസ്ഥാനം നിലവിൽ വന്ന വർഷം ?1956 നവംബർ 1
63. ശ്രീ പദ്മനാഭ സ്വാമി ക്ഷേത്രത്തിന്റെയും തിരുവിതാംകൂർ രാജവംശത്തിന്റെ ഇപ്പോളത്തെ (56-ാമത്തെ) സ്ഥാനിയും തിരുവിതാംകൂറിന്റെ ഇപ്പോഴത്തെ റ്റൈറ്റുലർ മഹാരാജാവുമാണ്?മൂലം തിരുനാൾ രാമവർമ്മ