കേരളത്തിലെ നദികൾ -1
- കേരളത്തിലെ നദികളുടെ എണ്ണം ?44
- എത്ര കിലോമീറ്ററിലധികം ദൈർഘ്യമുളള പുഴകളെയാണ് നദികളായി കണക്കാക്കുന്നത്?15
- കേരളത്തിലെ ഏറ്റവും വലിയ നദി ?പെരിയാർ (244 കിലോമീറ്റർ )
- ഏറ്റവും ചെറിയ നദി ? മഞ്ചേശ്വരം പുഴ(16 കിലോമീറ്റർ )
- പടിഞ്ഞാറോട്ട് ഒഴുകുന്ന നദികളുടെ എണ്ണം ? 41
- കിഴക്കോട്ട് ഒഴുകുന്ന നദികളുടെ എണ്ണം? 3
- കിഴക്കോട്ട് ഒഴുകുന്ന നദികൾ?പാമ്പാർ ,ഭവാനി ,കബനി
- “കേരളത്തിന്റെ ജീവരേഖ” എന്ന അപരനാമത്താൽ അറിയപ്പെടുന്നു നദി ?പെരിയാർ
- ആലുവാപ്പുഴ, ചൂർണ്ണ, പൂർണ്ണ, ചൂർണ്ണി എന്നീ പേരുകളിൽ അറിയപ്പെടുന്ന നദി ?പെരിയാർ
- ആദിശങ്കരന്റെ ജന്മം കൊണ്ട് പ്രസിദ്ധമായ കാലടി ഏതു നദീ തീരത്താണ് ?പെരിയാർ
- പെരിയാറിലുള്ള ആദിശങ്കരന്റെ ജീവിതവുമായി ബന്ധപ്പെട്ട ഐതിഹ്യത്തിലെ കടവ് ?മുതലക്കടവ് ശങ്കരാചാര്യരുടെ അമ്മ ആര്യാംബയുടെ സ്മാരക നിലനിൽക്കുന്നത് ഏതു നദീ തീരത്താണ് ? പെരിയാർ
- ആലുവ പാലസ്, അന്ത്രപ്പേർ കെട്ടിടം, കോഡർ മാളിക, ചൊവ്വര കൊട്ടാരം തുടങ്ങിയ പുരാതന കൊട്ടാരങ്ങൾ സ്ഥിതിചെയ്യുന്നത് ഏതു നദീ തീരത്താണ് ? പെരിയാർ
- കേരള- തമിഴ്നാട് അതിർത്തിപ്രദേശങ്ങളിലെ ഏതുമലമുകളിൽ നിന്നുമാണ് പെരിയാറിന്റെ ആദ്യ ഉത്ഭവസ്ഥാനം ?ശിവഗിരി മല
- ശിവഗിരി കുന്നുകളിൽ നിന്നുത്ഭവിക്കുന്ന വിവിധ പോഷക നദികൾ ചേർന്നുണ്ടാകുന്ന മുല്ലയാറിൽ(പെരിയാർ) നിർമിച്ചിരിക്കുന്ന അണക്കെട്ട് ?മുല്ലപ്പെരിയാർ അണക്കെട്ട്
- മുല്ലപ്പെരിയാർ അണക്കെറ്റിന്റെ ജലസംഭരണിക്കു ചുറ്റിലുമായി സ്ഥിതി ചെയ്യുന്ന വന്യ ജീവി സങ്കേതം?തേക്കടിയിലെ പെരിയാർ വന്യ ജീവി സങ്കേതം
- പെരിയാറിന്റെ രണ്ടാമത്തെ ഉത്ഭവസ്ഥാനം എവിടെനിന്നുമാണ് ? പശ്ചിമഘട്ടത്തിലെ മൂന്നാർ(കണ്ണൻ ദേവൻ മലകൾ ), പൊന്മുടി.
- കുണ്ടള അണക്കെട്ടും ,മാട്ടുപ്പെട്ടി അണക്കെട്ടും നിർമ്മിച്ചിരിക്കുന്നത് ഏതു നദിയിലാണ് ?പെരിയാർ
- പെരിയാറിന്റെ മൂന്നാം ഉത്ഭവസ്ഥാനം എവിടെനിന്നുമാണ് ? ആനമല
- പെരിയാറിന്റെ മൂന്ന് ശാഖകളും സംഗമിക്കുന്നത് എവിടെ വെച്ചാണ് ?പെരിയാർവാലി പ്രദേശത്ത്
- പെരിയാർവാലി ഇറിഗേഷൻ പ്രൊജക്റ്റ് തീരത്തു സ്ഥിതി ചെയ്യുന്ന പ്രസിദ്ധമായ പക്ഷിസങ്കേതം? തട്ടേക്കാട്
- ചേരൻമാരുടെ പ്രധാന നഗരിയും പുരാതന കേരളത്തിലെ പ്രധാന തുറമുഖവുമായിരുന്ന കൊടുങ്ങല്ലൂരിന്റെ പതനവും കൊച്ചിയുടെ ഉയർച്ചയും കാരണമായത് ഏതു നദിയിലുണ്ടായ വെള്ളപ്പൊക്കമാണെന്ന് കണക്കാക്കപ്പെടുന്നു ?പെരിയാർ
- മുല്ലയാർ ഏതു നദിയുടെ പോഷകനദിയാണ് ?പെരിയാർ
- കേരളത്തിലെ രണ്ടാമത്തെ നീളം കൂടിയ നദി? ഭാരതപ്പുഴ.(209 കിലോമീറ്റർ)
- ഭാരതപുഴയുടെ പ്രധാന ഉത്ഭവ സ്ഥാനം ?പശ്ചിമ ഘട്ടത്തിലെ ആനമുടി
- പേരാർ, കോരയാർ, വരട്ടാർ,വാളയാർ ,നിള,ഗായത്രി,മംഗലനദി എന്നീ പേരുകളിൽ അറിയപ്പെടുന്ന നദി ?ഭാരതപ്പുഴ
- ഭാരതപ്പുഴയുടെയും ഉപശാഖകളുടെയും കുറുകെ കെട്ടിയ അണക്കെട്ടുകളിൽ ഏറ്റവും വലുത്? മലമ്പുഴ ഡാo
- ഭാരതപ്പുഴയിലെ മറ്റ് അണക്കെട്ടുകൾ ഏതെല്ലാം ? വാളയാർ ഡാം, മംഗലം ഡാം, പോത്തുണ്ടി ഡാം, മീങ്കാര ഡാം, ചുള്ളിയാർ ഡാം
- കേരള കലാമണ്ഡലം സ്ഥിതിചെയ്യുന്നത് (ചെറുതുരുത്തി )ഏതു നദിയുടെ തീരത്താണ് ?ഭാരതപ്പുഴ
- ഭാരതപ്പുഴയുടെ തീരത്ത് സ്ഥിതിചെയ്യുന്ന ഹിന്ദുക്കളുടെ ഒരു വിശുദ്ധമായ ശ്മശാനമാണ്?തിരുവില്വാമലയിലെ ഐവർ മഠം.
- കുന്തിപ്പുഴ,തൂതപ്പുഴ,വാളയാർ,മലമ്പുഴ എന്നിവ ഏതു നദിയുടെ പോഷകനദിയാണ് ?ഭാരതപ്പുഴ
- കേരളത്തിലെ മൂന്നാമത്തെ നീളം കൂടിയ നദി?പമ്പാനദി.
- ശബരിമലയിലെ അയ്യപ്പ ക്ഷേത്രത്തിന്റെ സാന്നിധ്യം മൂലം പുണ്യനദിയായി അറിയപ്പെടുന്ന നദി ? പമ്പാനദി
- “ദക്ഷിണ ഗംഗ”യെന്ന് വിളിക്കപ്പെടുന്ന നദി ? പമ്പാനദി
- പമ്പാനദിയുടെ പ്രഭവസ്ഥാനം ?പീരുമേടിലെ പുളച്ചിമല
- കുട്ടനാട്ടിലെ ഒരു പ്രധാന ജലസ്രോതസ്സ് ?പമ്പാനദി.
- പൗരാണിക കാലത്ത് ബാരിസ് എന്ന പേരിൽ അറിയപ്പെട്ടിരുന്ന നദി ?പമ്പാനദി
- ഏഷ്യയിലെ ഏറ്റവും വലിയ ക്രിസ്തീയ കൂട്ടായ്മയായ 1896-ൽ ആരംഭിച്ച മാരാമൺ കൺവൻഷൻ, ചെറുകോൽപുഴ ഹിന്ദുമത കൺവൻഷൻ, റാന്നി ഹിന്ദുമത കൺവൻഷൻ എന്നിവ നടക്കുന്നത് ഏതു നദിയിലെ മണൽപ്പുറത്താണ്?പമ്പാനദി
- ആറന്മുള വള്ളംകളി നടക്കുന്നത് എവിടെയാണ് ?പമ്പാനദി
- പമ്പയുടെ പ്രധാന പോഷക നദികൾ ഏതെല്ലാം ? പമ്പയാർ, കക്കിയാർ, അഴുതയാർ, കക്കാടാർ, കല്ലാർ
- കേരളത്തിലെ നദികളിൽ നീളത്തിന്റെ കാര്യത്തിൽ നാലാം സ്ഥാനത്തുള്ള നദിയാണ് ?ചാലിയാർ.(169 കി.മി.)
- ബേപ്പൂർ പുഴ എന്നും അറിയപ്പെടുന്ന നദി ? ചാലിയാർ
- ചാലിയാർ നദിക്കരയിലുള്ള ഏതു പൾപ്പ് ഫാക്ടറിയാണ് ചാലിയാർ നദിയുടെ മലിനീകരണത്തെ തുടർന്ന് അടച്ചുപൂട്ടിയത് ?മാവൂർ ഗ്വാളിയോർ റയോൺസ് (ഗ്രാസിം ഫാക്ടറി)
- കേരളത്തിൽ നടന്ന ആദ്യത്തെ പരിസ്ഥിതി സംരക്ഷണ സമരം ?ചാലിയാർ സംരക്ഷണ സമരം
- ചാലിയാർ സംരക്ഷണ സമരത്തിനു നേതൃത്വo കൊടുത്ത ആൾ ?കെ.എ .റഹ്മാൻ
- ചാലിയാറിന്റെ പ്രധാന പോഷകനദികൾ ഏതെല്ലാം?ചാലിപ്പുഴ,ഇരുവഴിഞ്ഞിപ്പുഴ,ചെറുപുഴ
- കേരളത്തിലെ നദികളുടെ നീളത്തിന്റെ കാര്യത്തിൽ 5-ആം സ്ഥാനത്തുള്ള നദി ?ചാലക്കുടിപ്പുഴ( 144 കിലോമീറ്റർ)
- ഇന്ത്യയിൽ വച്ചു തന്നെ എറ്റവുമധികo മത്സ്യ- വൈവിധ്യവും ജൈവ-വൈവിധ്യവും കാണപ്പെടുന്ന നദി ? ചാലക്കുടിപ്പുഴ
- അതിരപ്പിള്ളി, വാഴച്ചാൽ വെള്ളച്ചാട്ടങ്ങൾ കാണപ്പെടുന്നത് ഏതു നദിയിലാണ് ?ചാലക്കുടിപ്പുഴ
- പുഴകൾ ഗതിമാറിയൊഴുകുന്നതുമൂലം രൂപംകൊള്ളുന്ന ഓക്സ്ബോ തടാകo കണ്ടെത്തിയിരിക്കുന്നത് കേരളത്തിലെ ഏതു നദിയിലാണ് ?ചാലക്കുടിപ്പുഴ(വൈന്തലക്കടുത്തു).
- പറമ്പിക്കുളം,കുരിയാകുട്ടി,ഷോളയാർ,കാരപ്പറ,ആനക്കയം എന്നിവ ഏതിന്റെ പോഷക നദികൾ ആണ് ?ചാലക്കുടിപ്പുഴ
- കരിംകഴുത്തൻ മഞ്ഞക്കൂരി , നെടും കൽനക്കി , മോഡോൻ ഗാറ സുരേന്ദ്രനാഥിനീയ്,സളാരിയാസ് റെറ്റികുലേറ്റസ് എന്നീ മത്സ്യങ്ങൾ ലോകത്തിൽ കാണപ്പെടുന്ന ഏക നദി ?ചാലക്കുടിപ്പുഴ
- വംശനാശം സംഭവിച്ചു എന്നു കരുതിയ ഏതു ജീവിയെ ആണ് 70 കൊല്ലത്തിനുശേഷം 1982ൽ വാഴച്ചാൽ മേഖലയിൽ നിന്നും കണ്ടെത്തിയത് ?ചൂരലാമ (Cochin Forest Cane Turtle).
- കേരളത്തിലെ നയാഗ്രാ എന്നു അറിയപ്പെടുന്ന വെള്ളചാട്ടം?അതിരപ്പിള്ളി വെള്ളച്ചാട്ടം.
- എവിടെ വെച്ചാണ് ചാലക്കുടി പുഴ പെരിയാർ നദിയിൽ ലയിക്കുകയും പിന്നീട് അറബിക്കടലിൽ പതിക്കുകയും ചെയ്യുന്നത് ?എറണാകുളം തൃശ്ശൂർ ജില്ലകൾക്ക് ഇടയ്ക്കുള്ള എളന്തിക്കര
- മലപ്പുറം, കോഴിക്കോട് ജില്ലകളിലൂടെ ഒഴുകുന്ന,കേരളത്തിലെ നദികളിൽ നീളം കൊണ്ട് ആറാം സ്ഥാനത്തുള്ള നദിയാണ് ?കടലുണ്ടിപ്പുഴ
THIS IS VERY USEFUL
ReplyDeleteKayalukal
ReplyDelete